A Revista lucense de creación poética Xistral vén de facer o seu XXV aniversario desde a refundación no ano 2023, e acaba de saír do prelo. Nesta edición especial, publicada pola Área de Cultura, Turismo e Promoción da Lingua do Concello de Lugo, pódese atopar un poema de Abraham Pérez titulado ‘Canto primeiro’.
Mes: febrero 2024
Publícase ‹‹Rosalía no barrio›› fanzine editado por Solaina
O 15 de febreiro presentarase no Bar Torre de Andrada de Lugo, ás 14:30 horas, o fanize Rosalía no barrio publicado por Solaina e que conta cun poema de Abraham Pérez. Trátase dun pequeno poemario que busca achegar a obra de Rosalía de Castro aos barrios de Lugo: A Milagrosa e A Piringalla, e que será repartido entre os veciños, as escolas e os locais dos barrios.
O venres 23 de febreiro, para honrar a figura da escritora universal, haberá un recital na galería Solaina ás 19 horas para presentar o texto.
Crítica de Armando Requeixo sobre ‹‹O paso en falso››
O crítico literario e profesor universitario, Armando Requeixo, realizou unha crítica literaria sobre O paso en falso (Editorial Galaxia) de Abraham Pérez. Aparece publicada nos xornais do Grupo La Capital: El Ideal Gallego, Diario de Ferrol, Diario de Bergantiños e Diario de Arousa.
Presentación de ‹‹O paso en falso›› en Compostela
Hoxe, día 1 de febreiro, levarase a cabo a presentación da novela O paso en falso (Editorial Galaxia, 2023) de Abraham Pérez. Será na Libraría Pedreira (Rúa do Home Santo, 55) de Santiago de Compostela ás 19:30 horas. No acto participará, amais do autor da obra, o crítico Armando Requeixo.
A entrada é de balde.