O pasado domingo, 28 de xaneiro, o programa da Televisión de Galicia, Zigzag Fin de semana, presentado por María Solar, entrevistou a Abraham Pérez co gallo da publicación de O paso en falso (Editorial Galaxia). Para ver o vídeo preme aquí.
Mes: enero 2024
‹‹O paso en falso›› no Zigzag Fin de Semana da TVG
Hoxe, domingo día 28 de xanero, o programa cultural Zigzag Fin de Semana, presentado pola escritora María Solar recibe no plató a Abraham Pérez para falar da novela O paso en falso (Editorial Galaxia, 2023). O programa emítese ás 11:10 horas na Televisión de Galicia.
Reseña da presentación de ‹‹O paso en falso›› no IESCHA
Velaquí queda a reseña que o Instituto de Estudos Chairegos publicou na súa web acerca da presentación de O paso en falso (Editorial Galaxia) de Abraham Pérez o pasado día 12 de xaneiro. No acto participaron, amais do autor, o filósofo Miguel Ángel Martínez Quintanar e a presidenta do IESCHA, Marisa Barreiro. Para ver a galería de fotografías e ler o texto preme aquí.
Dolores Vilavedra recomenda ‹‹O paso en falso›› no Diario Cultural da Radio Galega
A catedrática de filoloxía galega e portuguesa da Universidade de Santiago de Compostela, Dolores Vilavedra, recomenda O paso en falso (Editorial Galaxia) de Abraham Pérez no Diario Cultural da Radio Galega. Destaca, entre outros aspectos da novela, a súa construción formal e a frescura da voz narradora. Para escoitar o audio preme aquí.
Presentación de ‹‹O paso en falso›› en Vilalba
O venres, día 12 de xaneiro, celebrarase na Casa da Cultura de Vilalba (Praza Suso Gayoso, 14) a presentación da novela O paso en falso (Editorial Galaxia, 2023) de Abraham Pérez. Acompañando ao autor estará o filósofo e ensaísta Miguel Ángel Martínez Quintanar. O acto está organizado polo Instituto de Estudos Chairegos, e conta coa colaboración do Concello de Vilalba, a Editorial Galaxia e a Libraría Andel.
A entrada é de balde até completar aforo.